U Sian,
Pu Thual Zen galvai tawh kisai,Zampi khua pan a kiman a, thongkia te min sazian nongnget te banah,mun tuamtuam a kiman a thongkia te leh asi a liam te min zong hong khak ing.Zomi te tangthu sutni cileng nidangin ihgen ngamloh Pu Thual Zen galvai kihel loin thupi suak zo nawnlo a, mikim in ihtheih ding, a theihhuai thu hong hita hi.1962 March kha ni 2 ni a Galkap Kumpi ( R C ) hong khanteh Company, Setzung, Sumbuk sai,lo leitang leh sum(Dangka) te hong laksak tak teh Kawlte leh minam dang te ading in aneihsa uh tampi cianlai mah taleh ei Zomi te a ih neih khempeuh hongbei ahih man ki khasia mahmah,ki heh mahmah in Tedim khuapi leh mun tuamtuam a om mipil,mihau Zomi te vai hawmna tawh Pu Tual Zen makai in, Lamzang khua ah zum kihong a,Kumpi tungah lung kimloh na a kipulak takteh( Tu hun pau leh lungpho na) Tedim leh Lailo khua kikal a Suangkawmpan tui a phulna mun, munzang khat ah Suangkua gal( Temtawng gal ) zong akici Zogam khuakhem peuh pan pasal galhang khem peuh in thua,tei,temtawng leh sing khuah kitawi in Suangkua ah Pu Thual Zen leh makai tampi te leh Kumpi lampan a makai Col. Van Khulh leh a pawlte tawh thu ki kupna ki nei a,minam dangte apiak kik loh ei Zomi te tungah honglak sak uh sum(Money) sung pan Ks 5000/- ta hong pia kik nung cih tawh kilem na kinei hi.Hong piakik takpi hi.
Tua mun pan Tuisan zang( Dampi khua taw) ah Camp kinei a,galkap siamna trainning kinei hi.Thu kizak na hamsa a hih manin India gam Lungphel khua ah datmei tawh ki hona Signal va kisin in thukizak na hong nuampeuh mah hi.Tua pan in, Buanli khua tawn in Zampi ah ki paito a, Palik ten Zampi ah pawlkhat hongman in ,a cianlai teng in India gam Ngalzang khua ah Camp ki sat kik in Limhawm khua, Singat khua te bulphuh in na kisem hi.India te tawh ki zop na ding in U Lian mi muanhuai ki sam a ,Pu Son Cin Lian, Sia Dam Khaw Hau te zong hong kuan uh hi. Galkap bu lian khat ki sam a Lumbang khua a Capt pensen Cpt Thang Hlur api,asam dingin Hau siam ( Zampi) leh Sing Kam ( Kaptel ) va pai uh a,Palik ten hong matsak hi.
Ngalzang Camp mun panin Pu Hrang Nawlte tawh ki gawmin, Champhai,Vanlai phai leh Thingsai ah Camp kibawl koikoi in na kisem hi.Dampi khua gei ah gal kido ki kapna om hi.Rih Palik Sakhan ki la a Sakhan hmu pa ki man in,ih sanggam Kachin te Christian khat a hih manin Champhai pan ki khah kik hi.Pa Huai Pum ( Teklui ) in Zogam a dingin a nuntakna hong pia khia hi. Khalkha( Haka ) kikap na ah Tg Thang Khan Kap ( Lamzang ) leh Tg Lian Awi( Bung tlang ) ten Zogam ading in a nuntakna hong pia khia a, Tg Suan Do Nang hong liam in Kumpi ten hong kepsak hi.A thu a cing zaw in a thei aom leh ki behlap thei a, a kipatpan a tawp na dong kei ki helkha ka hih man hong ki kup pih nuam aom leh a cingzaw in konggen thei ding hi.
Monywe a thong kia teng:-
Zampi khua pan a ki man te:-
(1) Neng Lam Za Thang Lamzan (2) Neng Khaw Gin Lamzang
(3) Cin Khan Lian Saizang (4) Thang Liang Siang Kaptel
(5) Thang Lian Kam Kaptel (6) Kim Lang Kaptel
(7) Suan Cin Pau Teklu (8) Cin Kap Thang Lailo
(9) Cin Khan Dal Lailo (10)Vung Khan Thang Lailo
(11)Khai Thawng Lailo (12) Thawng Za Kim(Zolim tui) Tuithang
(13)Suan Lian Kham Phaiza (14) Thang Lian Thawng Phaiza
(15)Gin Za Thang Buanli (16) Luan Khan Thang Zampi
(17) Kham Za Thang Zampi (18) Vung Za Do Zampi
(19) Nok Khan Pau Zampi (20) Za Nawl Old Darkhai
(21) Tial Khar Falam (22) Rallian Falam Fartlang
(23) Kham Za Nang Ngente (24) Goih Khawm Thang Cauleng
(25) Gin Thang Zungkhua
Tedim pan a ki man te:-
(1) U Cin Khai Tedim (2) U Nang Suan Sakol lam –Tedim
(3) U Sing Cin Thang Thuklai (4) U Pau Khan Nang Leilum – Tedim
Khalkha (Haka ) pan ki man:-
(1) Suang Do Nang Zampi
Falam pan a ki man:-
(1) Hau Siam Zampi (2) Sing Kam Kaptel
India Kumpi in man a Kawl Kumpi ki ap:-
(1) Pu Thual Zen Lamzang
(2) Pu Hrang Nawl Sihhmuh
Hih thu te ZCD President pa bek in theilo in Zomi bup in theihhuai sa ka hih man in kong atkhiat manin kuamah in nong telkhialh loh ding uh kong thum hi.
Suum Do Thangz
No comments:
Post a Comment